【泰盡力】榴槤雪餅攻港之謎大拆解（上）

榴槤雪餅攻港之謎

全賴親力親為

名食家話「食餅有餅味」，可能大家唔明佢講乜；但「食榴槤雪餅有榴槤味」對榴槤控而言，就可能切身感受到有幾難！大棧榴槤雪餅，有榴槤味、有結實口感，更加係只此一家！關鍵喺邊度？當然係老闆嘅親力親為，同埋生產商對食材嘅熱愛！

中秋節前一兩個月，係我哋出嘅泰國榴槤雪餅全年最好賣嘅時候，為咗滿足全港咁多位榴槤控食家嘅需求，我哋梗係要提早出動！早前老闆同幾位同事，親自去到泰國，睇下今年榴槤收成如何，一到步就有當地農場工作人員熱情招待，帶一眾訪問同事食盡不同美食，一盡地主之誼。去嘅地方雖然位置偏遠，但係保證地道，亦都反映農場負責人對優質食材嘅熱愛，走到天腳底都要搵好嘢食，同老闆價值觀不謀而合。就算汗流浹背，烈日當空食勁辣冬蔭功都抵！

去公幹當然要工作！Sam哥同一眾同事到訪農場，視察收成。仲親自爬上樹揀榴槤，呢種親力親為嘅精神，都可算係行業榜樣！聽老闆講，原來香港一般食到嘅榴槤，由於要方便運送同埋安排存倉銷售，一般都係大約七成熟就俾果農採摘落嚟，亦即係話，果實喺其餘三成時間，係冇吸收泥土嘅營養同陽光之下熟成，味道自然差一截。

但如果係泰國當地人食嘅榴槤，就係等差不多完全成熟先採摘，發育自然更加健全，食落更有果香！大棧泰國榴槤雪餅，就係用同當地人一樣嘅貨源，用最嚴謹嘅工序生產，即整即急凍，不加防腐劑，將榴槤最完整、最原本、最好味嘅面目帶畀大家。至於生產過程有幾嚴謹，留待下回分解！